القاعدة الرابعة : متى تنسحب

فى مثل بيقول الجري نص المجدعة.بس اكيد ده مش دايما بس مهم تعرف امتى تنسحب من اللعبة فى حالتين الحالة الاولى : جنى المكاسب فى حالة انك وصلت لمكاسب كبيرة ومش هتعرف توصل لمكاسب اكتر من كده واستمرارك هيبدا يخسرك المكاسب دي فمن الافضل الانسحاب والحفاظ على المكاسب . لو انتوا فاكرين برنامج من سيربح المليون كان الانسحاب احيانا بيحافظلهم على المكسب اللى وصل ليه او انه ممكن يخسر كل حاجة . الحالة الثانية : ايقاف الخسارة . مثال واقعى البورصة التداول على الاسهم بيقف لما يكون فى خسائر متتالية فلازم يكون فى انسحاب ووقف علشان مانزودش الخسارة . نرجع للوظيفة كمثال مهم امتى تنسحب من الوظيفة لما تكون مش بتتعلم حاجة جديدة او بتطور من مهاراتك دخلك مش بيزيد بشكل يناسب خبرتك مش بتحصل على التطورفى المسميات والمهام الادارية توقيت قرار الانسحاب مهم جدا فى تعظيم المكاسب وتقليل الخسائر

 297 total views